CECO: VLORA VATRA E TURIZIMIT SHQIPTAR


Perse zgjodhet Vloren per te pushuar zonja, Ceco?

-Per arsye se Vlora, eshte nje nga pjeset me te bukura te Rivieres shqiptare, kesaj perle te Shqiperise. Po te krahasosh bregdetin e Vlores, me ate te Durresit, Shengjinit, dhe me gjithe vijen tjeter bregdetare ka nje diference ne reliev, ka nje diference ne peisazh. Ketu gjen te gershetuar malin dhe detin, nje bukuri natyrore te pakrahasueshme. Pa dashur te mohoj edhe bukurite natyrore te pjeses tjeter te bregdetit te Shqiperise, ne kete aspekt do te thoja se Vlora terheq edhe vlonjatet, kudo qe kane shtegtuar si zogjte.

Mendoni se perkujdesja e qeverise dhe e shtetit, e maxhorances ku ju beni pjese, ka qene e mjaftueshme per ka bere Vloren vertet qytet turistik?

-Turizmi eshte nje nga resurset me te medha, mjedisi per turizmin ne Shqiperi, jo vetem ne Vlore ka nje nga drejtimet themelore ku duhet drejtuar vemendja. Them se ka nje ndryshim te madh nga vitet e meparshme. Nga viti ne vit shikon ndryshime, ne i duam ndryshimet te behen sigurisht me shpejt, qe te jene me te kapshme, me te prekshme, me te dukshme. Kjo nuk do te thote qe ndryshime nuk jane bere. Duhet vene ne balance ajo cka eshte bere, ajo cka eshte per t'u bere dhe cfare synohet per tu bere me tej, duke pasur parasysh edhe ate qe njerzit deshirojne. Ne kete aspekt do te thoja se duhet edhe nje bashkepunim i ngushte edhe i individit pronar edhe i shtetit, qe e ka tashme te perpunuar, te piketuar, se cilat do te jene drejtimet e zhvillimit te turizmit ne Shqiperi, qofte edhe per Vloren, qofte edhe per qytete te tjera bregdetare. Per zona te tilla qe jane me nje nivel klas, duhet te synohet nje bashkepunim i madh mes shteti dhe individit per te transformuar ose per te krijuar kushte te tilla vetsherbimi qe te realizohet nje turizem elitar. Bregdeti shqiptar i ka te gjitha mundesite qe te zhvilloje te gjitha llojet e turizmit elitar, popullor, masiv, arkeologjik, alpinistik etj. Keshtu, po te shikosh mundesite qe te jep Llogaraja per detin dhe klimen malore, keto jane gjithmone deshira qe nuk jane te largta edhe ne kohe per t'u realizuar.



E verteta eshte se jane shtuar shume pushuesit ne Vloree, ne brigjet e Jonit dhe Adriatikut, Himare, Dhermi e deri ne kufi me Saranden, ka shume kosovar edhe te huaj.Mendoni se kemi arritur ne ate kufi qe tashme turizmi po zhvillohet realisht?

-Nuk mund te flas per te vene kufi, ky eshte kufiri maksimal dhe nuk ka me, sepse e mira nuk ka fund, dhe ne kete aspekt duhet programuar gjithmone se cfare do te synohet per te arritur kete vit, vitin tjetwr e ne vazhdim. Jam vete deshmitare qe ka nje dyfishim te njerezve te ardhur ne Vlore, per te pushuar. Kjo, eshte shume domethenese, sepse ka arritur nje ndryshim i tille qe njerezit gjejne kenaqesine e te pshuarit ne Vlore. Pra, fakti qe nuk ke nje te dhene statiskore te tille, nje dyfishim qe verifkohet shume lehte qofte edhe ketu ne kete vend qe po pushojme, tregon qe ka nje permiresim nga viti i kaluar ne kete vit, ashtu sikurse do te doja dhe do te pretendoja te kete ndryshim edhe permiresim edhe ne vitet e ardhshme dhe keshtu kufiri shtyhet gjithnje e ne limit. Synimi dhe tendenca duhet te jete kjo qe te permiresohet nga viti ne vit, te rritet numri i pushuesve. Jane te ardhura per Vloren, te ardhura per banoret e kesaj zone, sepse do te permiresohet me tej infrastruktura, jane te ardhura qe ne fund te fundit, do te ndikojne ne rritjen e mirqenies se banoreve.

Infrastruktura e nevojshme dhe e domosdoshme nuk eshte per te pasur harmonizimin e kerkesave dhe deshirave te njerezve, me ate cka duhet te beje shteti. Mungon energjia dhe uji i pijshem etj. Cili eshte komenti juaj?

-Tani, kur thuhet maxhorance qeverisese, duhet patur parasysh jo vetem pushteti qendror por edhe pushteti lokal, per nje harmonizim ne veprimtarite dhe planifikimet ose programimet e qeverise me ate lokale dhe shume gjera mund te behen edhe pa intriguar qeverine. Ne Vlore, ose kudo aty ku njerezit aspirojne te pushojne, aty ku natyra ka bere punen e saj, duhet kompensuar dhe me punen e nje menaxhimi njerezor, e nje menaxhimi shume me te mire te ketyre resurseve qe ka falur natyra. Pra, nuk eshte e drejte te mendosh qe nuk ka nje vemendje te caktuar nga strukturat qeverisese, duhet bere me shume sigurisht.

I keni pare Ju, gadishullin e Karaburunit, ato plazhet dhe objektet historike dhe arkeologjike qe jane pergjate vijes bregdetara, deri ne Sazan. Cfare mendimi keni qe keto te frekuentohen nga masa e gjere e pushuesve?

-Une e thashe qe turizmi duhet pare edhe me syrin e nje turizmi masiv edhe me syrin e nje turizmi elitar. Bregdeti i Vlores ose vija ujore e Karaburunit, ishulli i Sazanit jane resurse natyrore, por edhe resurse te tilla per zhvillimin e turizmit qe mund t'i japesh nje profilizim te turizmit arkeologjik. Une i kam pare, i kam vezhguar sepse e kam frekuentuar gjithe Vloren, nuk kam preferuar asnje vend tjeter per pushime, pervec ne kete linje bregdetare, dhe resurset jane aq te medha, aq te fuqishme dhe keshtu duhet te jene edhe programimet, per te terhequr turistet, per te zhvilluar turizmin, per te terhequr elite dhe nje mase te madhe turistesh edhe nga bota. I ka te gjitha mundesite, te shikosh Zvernecin, te shikosh Karaburunin, ka plazhe natyrore te mrekullueshme qe me ndertimin e infrastruktures, furnizimin me uje me ato mundesite e tjera per te lehtesuar jetesen, sepse turistet jane te velur shume nga ndertimet madhore ne vendet e tyre sidomos turistet e huaj, dhe duan te jetojne paqen me natyren dhe kete paqe, ne, e kemi ketu. Te gjitha keto vende te mrekullueshme te Vlores, jane per t'u admiruar, jane nje thesar i vyer.

Ju dhane opinionin tuaj dhe vleresimin per turizimin ne Vlore, nder kohe, lideri demokrat Berisha, do ta komentonte ne nje takim per celjen e fushates nw Vlore, se ketu, nuk eshte as cereku i pushuesve dhe se eshte nje minus i madh per qeverisjen socialiste. Si do t'i komentonit ju konstatimin e kryedemokratit?

-Nuk e di, mbase Berisha ka gjykuar nga selia apo nga salla ku ka bere mbledhjen dhe nuk besoj te kete pare me syte e tij bregdetin. Nuk besoj te kete edhe statistike, per te arritur ne ato perfundime. Do t'a k`shilloja te vinte te pushonte ne Vlore dhe me siguri do te korrigjoje veten, megjithese nuk e ka bere kurre nje gje te tille. Ne fund te fundit ai e ben per te marre votat, por pushuesit qe e dine te verteten, nuk e besojne. E verteta eshte se jane pakesuar shume ikjet per te pushuar jashte shtetit. Atehere une pyes Berishen. Ku pushojne keta njerez? Per ta mesuar le te beje nje xhiro ne vijen bregdetare ne jug te vendit duhet te them qe do te bente mire qe zoti Berisha te vinte te shikonte me syte e tij.

Intervistoi: Zenepe Luka